أغرب من الخيال مستشفى يطلب التبرع له بالياغرت والجفال والماء فهل تخلت وزارة الصحة عن دورها؟
هذه قائمة طلبات التبرع لمستشفى شارل نيكول بالعاصمة، هذا إش محتاج المستشفى و القائمة رسمية.كيف نلقى السبيطار محتاج مكثفات أكسيجين، معدات طبية، و الله نتفهم، ما تتصنعش في تونس، أسوامها غالية و الحصول عليها صعيب.
أما يا رسول الله، صبيطار طالب يتبرعوله بياغورت و دبابز ماء و جفال و صاك بوبال؟؟هاذم يجيبوهم المواطنين بالخارج زادة؟ الدولة، وزارة الصحة ما تنجمش توفر صيكان بوبال؟ 500 كعبة ياغرط تنجم تتشرى من حانوت واحد، صاك بوبال نكلموا عليه atuge تبعثهولنا من الخارج زادة ؟ 500 ياغرطة ب150 دينار راهم، عجزت عليهم وزارة الصحة و طالبتهم تبرعات من المواطنين؟؟
أتهم،j’accuseالأمر معادش جائحة فقط! الأمر إهمال و تقصير و إجرام و سرقة.ما يحبوش الإحترام! هاذم مجرمة، مهملين، سراق، غير أكفاء، ميزانية وزارة الصحة 2885 مليار1818 لم 200 مليارهبات و مساعدات أجنبيةتوانسة بالخارج و الداخل تنحي من لحمها و تبعثو سبيطار طالب مواطنين تتبرع بصاك بوبال.أعتقد أن تونس تحتاج لمن يتبرع لها فعلا بصيكان بوبال، صيكان كبار، ما يهز حكومة و رئيس و نواب و “رأس مال وطني” و نقابة، صيكان بوبال تهز كل السيستام.
ياسين العياري