اتقوا الله في فلذات اكبادكم…أولادكم ليسوا مجرد اعداد وشهادة

تداول نشطاء المجتمع المدني بصفاقس ندوينة يبدو انها لاحد المربّين :

اليوم نرجع في إمتحان الرياضيات تلميذ تحصل على 16. رجع لبلاصتو يبكي. عيطلو قتلو علاه تبكي العدد بتاعك ممتاز. قالي سيدي تنجم تعاودلي الإمتحان. تصدمت قتلو علاه تحب تعاود. قالي ماما تقتلني والله والله والله ما لقيت منقول. قتلو ما تخافش كي تخرج توا نحكي مع أمك.
أحنا خارجين وهو شادلي يدي يقلي أمان سيدي كلمها.
التلامذة الكل خرجو كان هو نشوف فيها من بعيد كيفاه تلوج وخايفة. بعد عيطلها قتلها مدام شنوا حسيت كيف ما لقيتش ولدك قاتلي دمى جمد. قتلها انت درج دمك جمد مالا شنوا تقول على ولدك نص نهار وهو دمو جامد كل إمتحان وهو دمو جامد كل تقييم وهو دمو جامد. علاه حرام عليك نوارة كيف هكا تمرضو تعقدو. شنوا الفايدة يجيب عشرين وهو مريض شنوا الفايدة يجيب إمتياز وهو معقد.
قتلها كلمة أخيرة احمد ربي على النعمة. غيرك تخسر في الملاين باش تسمع كلمة ماما.