ارادة الجماهير لا تٌقهر … اي نعم انتوما اعملوا اللي تحبّوا .. اما احنا ما نموتوش بالحقّ … عبد الكريم قطاطة

نعم … تمّ الغاء حفل تقديم لاعبي النادي الصفاقسي اليوم بالمول متاع صفاقس ..مانيش ماشي نخوض في الاسباب … هاكي حكاية اخرى من نوع فيها وعليها … اما وقت نشوف فيديو توة هبط وفيه جماهير النادي تطوف باغاني النادي في شوارع المول ..هذا بالنسبة لي دليل قاطع على انّ ارادة الجماهير لا تُقهر ..وهي رسالة ايضا لكلّ من له مواقف معادية تجاه صفاقس في عديد المجالات ومنذ عشرات العقود .. الرسالة تقول.. بامكانك ان تقتل طائرا مغرّدا ولكن يستحيل عليك ان تقتل غريزة التغريد لدى الطيور .. وفي رواية اخرى احنا ما نموتوش اما انتم موتوا بغيضكم ..