الأولياء عجزوا عن توفير الكمامات والمسؤول يُطالب بالتحاليل؟

كتب احد اولياء التلاميذ ممن اثقلت المصاريف كاهلهم وسال عن المنطق في فرض استظهار التلميذ بتحليل ايجابي فلماذا لا تقوم الدولة بذلك ؟ فهي تقوم بكل التحاليل في وياء كورونا مجانا فلماذا التلاميذ عليهم ان يدفعوا ثمنها ؟:

تلميذ موش لاقي يشري بافات ب500فرنك معملين عليه باش يمشي يعمل تحليل ب30دينار ويجيبو للمدير باش يجمع عدد معين من التحاليل باش اهزهم للادارة الجهوية باش اوافقولو باش اسكر القسم ويلزم قداش من قسم يتسكر باش اسكروا المدرسة

ماهو 30د اقلك نشري بيه دواء ابجل والله شيء احشم .التلامذة الكل تكحكح ولاصقين في بعضهم والتوا يشربو في نفس الدبوسةويتسلفو في البڤاتات من بعضهم وهذا نشوفو فيه كل نهار سكروا المدارس والمعاهد يهديكم ربي حتى جمعتين حتى يركح الطقس شوية رحنا نشوفو في العجب انتبعوا في الدول الاوروبية اللي كي تمشي تعمل تاست في الفرماسي يعطيووك ثلاثة اخرينا بلاش رحنا بعاد عليهم ولازمنا قرارات تتماشى مع اوضاعنا الاجتماعية والصحية.

عبير