البازين ..سحور الصفاقسيّة ….محمد الحبيب السلامي

السلام عليكم في صيامكم
فيم أفكر؟
،،،،،أتذكر وأفكر في (البازين)،،،البازين ما هواش العصيدة ،عرفوه في طرابلس وتشهر في البيوت الصفاقسية،يصنعوه من السميد والخميرة ،وثم اللي تخلط معاهم الفارينة ،،،،هذا البازين باش يثردوه مليح
وهوما يثردوبعصا وزوز يدين ويسقيوه مرة بعد مره بالماء حتى يولي يتعلك تحبلو مرا شاطرة وشديدة ،تقوم من فرشها بعد نصف الليل وتخلي راجالها راقد وتقعد ساعتين وهي تثرد ،تصب البازين في شقالة وإلا في صحن بو نصفين ،وتسمحو بيدها والزيت وهو سخون يقلي ،وتغرس في وسطو داقرة بالزيت وعسل النحلة ووقتها تفيق زوجها باش يتسحر البازين اللي في فمو وعينو يحلى،،،هذا البازين كانوا برشة عائلات صفاقسية هو سحورهم كل ليلة،
ولذتو وطعمو موش كيف البازين اللي تدردرو صفاقسية اليوم في ربع ساعة ،أش جاب هذا لهذا ،،،،،،هكه وإلا أنا غالط؟