البريد أكبر مُتضرّر: قانون المالية يمنع إستعمال النقد لشراء مواد الإختصاص (السجائر )
في اطار ترشيد تداول الاموال نقدا و التشجيع على استعمال وسائل الدفع الالكترونية، هذا مايعنيش انو يصبح البيع مشروط كيما الحليب بالياغورت ! لانو في قباضة صفاقس يجبرو الحريف على استعمال الشيك المشهود له بالرصيد و الا بطاقة الكترونية مكتوبة عليها اسم الحريف!
يعني الحرفاء الي عندهم بطاقات مسبقة الدفع سواء متاع بريد و الا بنك (و بالطبيعة موش باش تلقا الاسم و اللقب مكتوب على البطاقة مع وجود ما يثبت ان البطاقة على ملكه ) معندهوش حق في اقتناء منتوجات الاختصاص اما كان البطاقة متاع البنك الي عطاهم TPE ميسالش لانو الخدمة تعملت على قياس البنك هذا و على قياس حرفائه!
يعني سنين و أحنا نحكيو على الادماج المالي و نحضرو في التجار الصغار باش تكون عندهم بطاقات تجارية مسبقة الدفع باش تسهل خدمتهم و تسهل تعاملاتهم و انقصو من تداول النقد، اجي مسؤول من المالية و يرفض هذا النوع من البطاقات !دعوة لوزارة المالية و للسيدة الوزيرة للتدخل السريع و ايقاف هذه المهزلة!
فهمي بوجلبان
مواضيع ذات صلة
