التجارة الالكترونية في تونس …خُوذ وسكرّ فمك ..قطوس في شكاره

بربي المُشرع التونسي واللي مهتم بالتجارة يتلفتوا شوية لما يسمى تجارة الكترونية او عبر الانترنات… راهي التجارة هذه في العالم الكل موجودة ومنظمة.. كان في تونس ناس تبرح وحدها وعاملة قوانين خاصة.. اولا تطلب سلعة تجيك سلعة اخرى وجودة صفر ويشرطوا عليك لا تبديل لا ترجيع ولا حتى فتح السلعة وشوفتها.. خوذ وسكر فمك قطوس في شكارة… صفحات اخرى تكذب تعطيك سعر وبعد ما تلقاش نفس السعر او ما يردوش عليك وما يجاوبوكش.. فمة صفحات تقول نجيب لك من الصين وتيمو وياخذو الفلوس وكل يوم يقلك هاهو ماجاتش هاو تشدت في الديوانة وهاهو فكوها تتكلم على فلوسك يقلك ما نرجعش تشكي ماتلقاش حق تشهر تولي انت في مشكلة. والاسعار يحددوا فيها على كيفهم قد ما تحمل على النقل والاداءات وسعر العملة تلقاهم يشو بالسوم . خلي عاد السمسارة متاع الكراهب والعقارات يصور في كراهب صحابو ويكذب على الناس لاش فقط يلم المشاهدات واللايكات… مش معقول قطاع كما هكة ولت.و ما فماش قانون ينظم حق البايع والشاري..

فتحية بن رباح