الحماية المدنيّة… إنسانيّة ما تغرقش…أشرف المذيوب

🚒🌧️ موش كل حادث فضيحة… بعض الحوادث قدر
انزلاق شاحنة الحماية المدنيّة في سيول الأمطار
موش دليل فشل،
ولا مادة للضحك،
ولا فرصة للتشفّي.
هذا اسمو قدر و قوة ربي سبحانو عظيمة،
وقتلي الطبيعة تثور و توري قوّتها،
حتى الحديد يضعف،
وحتى العارف بالمخاطر يلقا روحو قدّام امتحان صعيب.
اللي يوجّع موش الحادث،
اللي يوجّع هو التعاليق الساذجة،
الضحك على ناس خرجت من دارها
باش ترجع غيرها لدارها.
ناس ما ركبتش الشاحنة للفرجة،
ركبتها لنداء استغاثة،
وفي طريق إنقاذ،
كانوا ينجموا يكونوا ضحايا
كيفهم كيف غيرهم.
الحمد لله على سلامة الزملاء،
وعلى كل روح اختارت تخدم في الصمت
وتواجه الخطر بلا تصفيق.
الحماية المدنيّة موش مجرّد سلك،
هي ضمير حي،
وآخر خط دفاع
وقتلي تغرق الديار
وتسكت الأصوات.
اليوم قبل ما نعلّقوا،
يلزمنا نفكّروا:
لو كان الخطر قدّام باب دارنا…
شنوّا أوّل رقم نطلبوه؟
🚒
الحماية المدنيّة… إنسانيّة ما تغرقش.