المسفوف ..انواع …محمد الحبيب السلامي

السلام عليكم في صيامكم
فيم أفكر ؟
،،،،أفكر في (المسفوف) الكلمة عربية فصيحة تعني ما يؤخذ غير معجون ،،،،المسفوف أكلة رمضانية ياكلوها في السحور تصنعها مولاة البيت من (السميد المتوسط)لاهو جيد ولاهو غليظ ،،تاخو السميد وتصب عليه مغرفتين
زيت زيتونة ،تخلطهم في السميد ،تحط على الكانون النحاسة فيها الماء والكسكاس فيه السميد ،كيف يفور
السميد تصبو في شقاله وتصب عليه قليل من الماء السخون وتحركو ،وبعدين ترد المسفوف للكسكاس وكيف يتفور تعملو كيف المرة الأولى وتردو في الكسكاس ،في المرة الثالثة تصبو في شقالة وتصب عليه قليل من ماء الورد وتخلطو مع شوية ملح،،، وقت ما تجتمع العايلة للسحور تقدم مولاة البيت المسفوف والسكر ولوز مقلي ومطحون طحن خفيف ،وهذا يخلط منه كل واحد المقدار اللي يحب مع المسفوف ،،،،،هذا هو المسفوف الأصلي في العائلات ،وثم اللي يطيبو من الكسكسي الجيد كيف ما يطيب الكسكسي ،،،وثم اللي يخلطو بفواكه متنوعة والزبيب واليوم تدخلت الصناعة والمصانع وصارت تصنع دقيق المسفوف اللي يفوروه مرة وحدة ،،،،،،موش هكة؟ تسحرو بالشفاء