النائب شكري البحري : هنا يباع الاوكسجين خلسة

19 ديسمبر، 20:45

كتب النائب في مجلس النواب عن جهة صفاقس شكري البحري اليوم تدوينة تسائل فيها ” ماذا يحدث في مستشفيات صفاقس ” وجاء فيها :

كنت حاضر اليوم العشية في سبيطار الحبيب بورقيبة وشاهد على غريبة صارت😵‍💫😡 راجل جاء للسبيطار في يدو دبوزة أوكسيجان يحب يعبيها قال بعثوني باش نعبيها في السبيطار ب60 دينار، و هذا ديجا ممنوع منعا باتا ❌🚫 كي شدوه أعوان الحراسة وبعد تحري أعوان مركز الشرطة..ظهرت الدبوزة متاع كلينيك ..والشقف الاصلي متاع سبيطار والراجل جاي للمرة الثانية باش يعبيها 😡▪️ياخي من وقتاش سبيطاراتنا تعبي الدبابز الفارغة ؟؟؟
والمشكل كيفاش دبوزة أوكسيجان تتفقد في مؤسسة وتقعد تسركل البرا وما يفيقوش بيها…؟؟؟😡😡😡
👈للعلم بيع الغازات الطبية بدون ترخيص يعد جريمة❌
و الأخطر أنو كيفاش 2000لتر اوكسيجان تخرج و تتعبى بهالكيفية ..ياخي مافي بالو حد أنو دبوزة اوكسيجان تنجم تكون قنبلة موقوتة.؟؟❌❌❌
👈#الموضوع_للمتابعة والملف الآن لدى الادارة العامة للمستشفى اللي قامت بتحرير شكاية في الغرض وعند فرقة الابحاث… و المرة الجاية نحكيلكم على ملف تجارة الادوات والمعدات الطبية وسرقة النحاس