النصف من رمضان مناسبة عظيمة …محمد الحبيب السلامي

السلام عليكم في صيامكم
فيم أفكر؟
،،،،،أفكر في ليلة النصف من رمضان،،،،جرت العادة في تونس باش يحتفلو بليلة النصف من رمضان ويعتبروها مناسبة دينية خاصة ،ويخصوها في العشاء بالكسكسي ولحم العلوش ،وفي السحور بالعجة الصفاقسية ،ياكلومنها ويتصدقو ويهديوللطبال ،،،،والمتسولين يعتبروها موسم خاص،ويطوفو على البيوت والحوانت يطلبو صدقة الموسم ،وثم برشة ناس يكثرو من الصدقةليلة النصف من رمضان ،وثم اللي يخرج زكاتو فيها للبركة ،،،،،وفي ليلة النصف من رمضان راجت برشة أدعية خاصة،ويقولو اللي يدعو بيها عندو من الأجر والثواب الشيء الكثير ،ويقولو هك النبيء صلى الله عليه وسلم قال ،،،،،،وانا بحثت ولوجت ولقيت هذ ا الاحتفال بليلة النصف من رمضان عادة شعبية تونسية وما عندعاش مكانة شرعية خاصة ،،،،،والأدعية اللي تروج فيها وتقول اللي يقولها عندو ثواب كذا وكذا قول مكذوب وما هواش صحيح ،وما ثبتش على الرسول دعاء خاص في ليلة النصف من رمضان ،،،،تحبو تاكلو وتحبو تحتفلو وتحبو تدعيو وتتصدقو ما يسالش لكن ما تقولوش هذا موسم خاص والرسول نوه بيه ، ،،،،،هذا رايي واللي عندو ما يعلق يتفضل ويفيدنا بارك الله فيه