تونس اليوم موعد إنطلاق إذاعة Son FM

تم الاعلان عن انطلاق البث لاذاعة Son FM اليوم الاثنين 10 اكتوبر . مع الإشارة ان الهيئة العليا للإتصال السمعي البصري (الهايكا) قد منحت في 20 ماي 2020 رسميا 14 رخصة لقنوات و اذاعات و منها لجمعيات على غرار جمعية أنا يقظ.
و أعلن ممثل عن انا يقظ عن توقيت الانطلاق لاذاعة شاملة وهو إنطلاقا من اليوم الاثنين 10 أكتوبر 2022

من 6 متاع الصباح حتى 8 متاع الليل باش تكتشفوا البرمجة الشتوية للإذاعة إلي تنجمو تسمعوها في تونس الكبرى على 100.0 FM ولا livestreaming على موقعنا sonfm.tn
من ناحية الشكل، الإذاعة حاولنا نوفرو فيها أحدث التقنيات والمعدات المخصصة للبث الإذاعي والرقمي باش نوصلولكم في أحسن صوت وصورة.

أما عن مضمون الإذاعة الجديدة ” الإذاعة باش تضم من أفضل الصحفيين والتقنيين ومقدمي البرامج وصناع المحتوى بمعمل اعمار ما يفوتش 25 سنة. الإذاعة نحبوها تكون البديل في المشهد الإعلامي المسموع وباش نحاولو أنها تكون بالحق صوت الشباب والمثقفين والمبدعين والاكاديميين والأقليات. وباش تكون زادة منصة للمجتمع المدني بمختلف اهتماماته وتوجهاته داخل تونس الكبرى وخارجها بشكل خاص.

باش نحكيو في برشة مواضيع، السياسة، الترفيه، المواضيع الاجتماعية، اقتصاد، كورة، startups، الصحة، الثقافة، وبرشة مواضيع أخرى باش نتناولوها من منظور جديد، وبروح شبابية خفيفة.

** الإذاعة هي قانونياً إذاعة جمعياتية تابعة لمنظمة أنا يقظ لكن خطها وميثاقها التحريري مستقلين تماماً عن المنظمة”.”