توّة هذا سؤال …؟؟… عبد الكريم قطاطة

عديد الاصدقاء طرحوا عليّ نفس السؤال ..؟؟… اكيد تشمّو فيه السؤال اللي غلّب على الاعلام العاصمي وقهرهم وحرمهم من النوم والراحة وما عرفوش باش اتبلاو …اصدقائي يسالوني شنوة رايك في اللي قالوا حاتم الطرابلسي ؟؟ وردة عندها غناية تقول فيها _ وبيسالوني قال ..ودي محتاجة لسؤال … اي نعم توة هذا سؤال ؟؟ حاتم اوّلا ولد الكحلة والبيضة ..حاتم ثانيا اللاعب التونسي الوحيد اللي لعب في جمعيات اوروبية كبيرة وشرّف تونس كاملة رغم انفهم الكلّ .. حاتم ثالثا صديقي ومستمع لعبدالكريم ولنا نفس الثوابت ..ومن ضمن هذي الثوابت انو وقت فريق تونسي يلعب في ايّ مسابقة اقليمية او افريقية او عالمية راهو يكذب عليك اللي يوهم فيك انو يمثل تونس …ابدا راهو يمثل فقط انصارو ..واكبر وحيد يكذبوا راهم اللي يحكيو بمنطق الوطنية .. راني نعرفهم واحد واحد ..وحاتم يعرفهم واحد واحد ..وتونس بكلّها تعرفهم واحد واحد ..نزيدكم حاجة ؟؟ اقسم بالله العظيم حتى هوما يعرفو ارواحهم يكذبو .. اذن اضرب يا حاتم وزيد اضرب ..