ثمّة ناس كلمة ناس حرام فيهم …وليد الوقيني

الناس هذي الي تهرب في المواد الأساسية و الادوية في وقت الي تونس تعاني من ازمة كل تونسي يحس بحدّتها الناس هذي تنجموا توصفوهم بشر ؟ تنجموا توصفهوم بتوانسة ؟ تنجموا توصفهم بكائن حي اصلا ؟؟؟؟ …. ما نعرفش يعني الناس هاذم يتشدوا تتحجز السلع متاعهم يتوقف نهار نهارين و امبعد يعمل صلح يعني يدفع مالشكاير فلوس الي عندوا و يتصالح ويخرج و يرجع لداروا و اعلّم ولدوا كيفاش يخرب بلادوا اعلّم بنتوا كيفاش تخرب بلادها اخواتوا اصحابوا جيرانوا … الناس هذي راي ماهياش محتاجه باش تلقالها اعذار هذي ناس فلوسها مخزنة موش مخبيا في ديارها اكداس اكداس … الناس هذي : انذل منهم ما ثماش اوطى منهم ما ثماش ابشع منهم ما ثماش …. الناس هذي الاعدام شوية فيهم سحب الجنسية شوية فيهم مصادرة املاكهم شوية فيهم حتى اولادهم يلزم تاخوهم الدولة تربيهم …. الناس هذي كلمة ناس حرام فيهم .