جامع سيدي علي النوري وزبيب الشرمولة …محمد الحبيب السلامي

السلام عليكم في صيامكم
فيم أفكر؟
،،،،نفكر في زبيب الشرمولة،،،الصفاقسية كانوا ما يعملو شرمولة العيد كان من الزبيب العسلي ،وهذا إما عندهم
في الجنان وإلا يشريوه من سوق الكامور يجيبوه المنايفة،،،،،لكن أشنوه رايكم كيف نقلكم ثم ناس يبداوا يلقطو في هذا الزبيب من أول ليلة في رمضان ؟ كيفاش؟ قلك يصليو المغرب في جامع سيدي علي النوري ،النوارة اللي شادين حبس سيدي علي النوري يعطيو كل ليلة حفينة زبيب عسلي لكل واحد يجي يصلي في جامع سيدي علي النوري يشق عليها الفطر ،ياخو منها كعبتين والباقي يرجع بيه للدار يعطيه لمولاة البيت والدار ،وهك موش تلم زبيب الشرمولة وترحم على سيدي علي النوري؟،،،،،هذا وين ؟موش مشى مع الحبس وأماليه؟الله يرحمهم