جماهير السي آس آس لوالي صفاقس : أين وعودك؟

السيد فاخر الفخفاخ رجل مندفع ويعشق صفاقس حد النخاع وعشقه للنادي الصفاقسي لا يشكك فيه احد ولكن ومنذ ان وعد الاحباء بايجاد حل فعلي لمشاكل النادي الصفاقسي في جوان الفارط لم تظهر اي علامة ايجابية لحد اليوم 11 اوت وقد توجهت احدى صفحات النادي الصفاقسي برسالة فيها تذكير لوعوده ولوم على التاخير :

▪︎والي صفاقس السيد فاخر الفخفاخ وعد في الإجتماع الاول للجنة الدعم في جوان باش يشوف حل للنادي الصفاقسي و باش يحاول يقرب رجال أعمال صفاقس و يشجعهم على دعم النادي للخروج من الأزمة و تحمل مسؤولية النادي.▪︎لكن ما شفناش لحد الآن تحرك فعلي و إجتماعات مع رجالات النادي و الرؤساء السابقين لتقريب وجهات النظر و إيجاد حل للنادي و مستقبله و كيانه المهدد.▪︎من واجبك سيدي الوالي باش تلقى حل للنادي الصفاقسي خاصة انك تعتبر إبن من ابناء النادي و الجهة و لازم تسعى لإيجاد الحلول للخروج من الازمة(والي سوسة رغم انه ما عندوش حتى علاقة بسوسة و بالنجم الساحلي قام بعديد الاجتماعات و قرب رجال الأعمال و الاعبين السابقين و ساهم في تعيين هيئة تسييرية برئاسة جنيح).▪︎يا سيد الوالي كلم الزحاف و عبد الناضر و المخلوفي و الحمامي و شوف شكون فيهم مستعد يترشح لرئاسة النادي و قدملو ضمانات و وعود للوقوف معاه ماديا و معنويا.▪︎تحرك شوية يا سي الفخفاخ الجمعية ماشية للهاوية و المجهول في عهدك كوالي لصفاقس