خرافات عمي الباشير الرمضانية: حكاية الضراير وسي ونّاس ووولد الفهري

من خرافات عمي الباشير الله يرحمو ويبرد تربتو حكاية خطفها خطفان وحب يحكيهالكم ويخفف عليكم غلبتكم :

يا حزاركم يا مزاركم ونور العدنان ينور دياركم كان يا ما كان في قديم الزمان زوز ضراير وحده صغيرة والاخرى اكبر منها شوية …
الكبيرة منفوخة واش ياذبانة مافما في الدنيا كان انا..عاملة من عذاب ضرتها صنعة
لكن هاك الضره الصغيرة كانت القلب طيب مايشدش البغض رغم طبعها الي ما يحسبها كان فلوس ، اي نهار الكبيرة قلبها تعبى بالبغض كذبت على ضرتها وضربتها وطيحتلها صغيرها ومشات لراجلها تبكي وتشكي وقالتلو مرتك ضربتني وعملت في …سي الراجل عرفها تكذب ويعرفها قلبها دغمي …خمم وزاد خمم وزاد خمم وقرّر يبعثها لسامي لفهري يعمللها مسلسل

حكايتنا وفات والمسلسل ما وفاش وولد الفهري يحب يقول كلكم وناس

شاهية طيبة

حافظ