خرافات عمّي الباشيرالرمضانيّة : عزوزة الستوت …وبراءة سامي الفهري
يا سادة يا مادة يا اهل الخير والسعادة تعرفوشي حكاية عزوزة الستوت ؟ اسمعوا الحكاية القصيرة
في عهد موش بعيد وممكن قريب ياسر وممكن في المستقبل ثمة مرا تونسية اصيلة تعمل باصلها وتحافظ على زوجها ولكن زوجها الله غالب ما يعرف كان يسب ويقسطل وداخل يعارك ويخرج يعارك والمرا فدّت لكن اصلها كبير ….نهار تعدّات عزوزة الستوت عاد حكاتلها حكايتها كاملة قالتلها اسمع يا بنتي مشكلتك صعيبة وحلانها موش ساهل ونصيحتي ليك اصنع مرا مالطين وخبيها عالعينين ووين راجلك يعيط اشكيلها همومك وهبطولها دموعك
اي سيدي سمعت الكلام وصنعت الصنبة وشهر كامل وهي تشكيلها …في نهرا عثرت في الصنبة طاحت تكسرت خرج منها ياسر دود تفجعت المرا وجرات لعزوزة الستوت وحكالتلها عالدود قالتلها اسمع يا بنتي عادي الهم يصنع الدود ويفسد القلوب والدود الي خرج مالصنبة ما دخلش لقلبك وحديثنا قياس
المرا ما اقتنعتش والشيطان وسوسلها تحكي حكايتها لسامي الفهري …بكل براءة
شاهية طيبة
حافظ
مواضيع ذات صلة
