خرافات عمّي الباشير الرمضانيّة : ثلاثة فيران يخدْموا في دماغهم بسبب الجوع

يا سادة ويا مادة يجعلنا ويجعلكم في الخير والسعادة حكاية اليوم قديمة ياسر وتهم ثلاثة فيران يعيشوا في حديقة للحيوانات وكانوا في نعيم ياكلوا من بقايا الحيوانت الاخرى وخاصة من الزوار الي يرميولهم البسكوي والقلوب والكاكوية والخبز والجبن …كانوا عايشين عيشة ملوك ولكن انتهى الصيف والعباد ما عادش تجي للحديقة وماتوا بالجوع اي سيدي دبر عليهم كبيرهم قالولهم اي نغيروا المكان لعل نلقاو مونة وعلفة خرجوا وفي الطريق لقاو كل شيء شبعة زبلة وجبال من الماكلة الفاضلة في رمضان يا سيدي باب الجنة تحل قدامهم ولكن …..

الباندي متاع الحومة والي هو جربوع كبير شدهم ومرمدهم وطردهم وخلاهم للجوع …يا سيدي ياهم جابوا كبير اخر مع كبيرهم ويحبوا يكنْبسوا ثماشي ما ربي ينوب عليهم بنصيب …ويلقاو بلاصة في هالغابة المجنونة

اي بر شاهية طيبة

حافظ