مواطن ليبي : علاش ما يكونش في صفاقس مشروع ليبي متكامل؟

كتب احد الاشقاء الليبيين اقتراحا نراه ايضا معقولا وجاء فيه :

“في مصر تلقى محلات ومطاعم ليبية ناجحة، تقدم المشاوي والأكلات الليبية وكل الحاجات اللي يحبها الليبي، وحتى منتجات واحتياجات الجالية الليبية.
لكن السؤال: علاش ما نشوفوش مشروع بالشكل هذا في صفاقس؟
بحكم إن صفاقس تعتبر من أكثر المدن اللي يتردد عليها الليبيين، سواء للعلاج أو التجارة أو الإقامة، نشوف إن وجود مطعم ومحل ليبي متكامل ممكن يكون مشروع ناجح جدًا.
الفكرة مش بس مطعم، ممكن يكون مكان يوفر:
🍖 مشاوي ليبية
🍝 مبكبكة وأكلات ليبية
🍲 كسكسي وبازين وأكلات شعبية
🥙 ساندويتشات ليبية
☕ قهوة وشاي بالطريقة الليبية
🛒 مواد وحاجات غذائية يحبها الليبيين
🥡 أكل سفري وتوصيل للمصحات والشقق
ويكون المكان معروف باسم وهوية ليبية، ويخدم الليبي والتونسي مع بعض.
شن رايكم؟ هل تشوفوا إن المشروع هذا ينقص صفاقس؟ وهل لو فتح مطعم ومحّل ليبي متكامل، تتوقعوا ينجح؟
خلونا نسمعوا آراء الليبيين المترددين على صفاقس، لأن ممكن تكون فكرة مشروع تستاهل الدراسة.