سيف مخلوف يوجة رسالة الى الأمن : مازالت نائبا ومحاميا وسأُحاسب من إنحرف بالسلطة وهرسل الشرفاء

كتب النائب المجمد سيف مخلوف على صفحته الخاصة تدوينة جاء فيها:

” إلى السيد المسؤول على الأمن في دولة الانقلاب موش ضروري برشى العودة إلى محاصرة بيتي الصغير بسيارات الشرطة رباعية الدفع .. وحس محركات المازوط مالي الحومة .. والأعوان عاملين حلقة ويحكيو بصوت عالي ويقهقهوا وماخذين راحتهم .. لين ازعجوا الجيران وأقلقوا راحة المتساكنين .. معلومة يا شاغل منصب وزير الداخليّة بلا ثقة البرلمان ..الدار إلّي محاصرينها .. فيها مرا محامية .. وطفل صغير ما جاهش النوم مالخوف والرعب على أمو وأختو .. وبنت رضيعة ما عملتش عام ..يا سي المسؤول .. راهو الانقلاب ماشي على روحو .. ورانا مازلنا موجودين .. ومازلنا نواب ومازلنا محامين .. ومازلنا منتخبين وشرعيّين .. ومازلنا قادرين على محاسبة كل من تجاوز حدود سلطته وانحرف بها .. وترك اللصوص وهرسل الشرفاء ..يا مسؤول .. خمسين يوم .. تفتشوا على معارضي الانقلاب وكأنكم تفتشون عن قتلة الأنبياء .. وفي الآخر رجعتم لهرسلة الأطفال والنساء ؟؟

كل شيء موثق صوت وصورة احتراما للأعوان المأمورين لن أنشر

السيد وكيل الجمهورية بأريانة المحترم ..هذا بلاغ مباشر ومفتوح .. إن حصل أي مكروه لبيتي أو لأهل بيتي ..”