شبيكم مستغربين ..؟ حلقة اخرى من السلسلة …عبد الكريم قطاطة

برشة من انصار السي اس اس مستغربين ومنرفزين ومنددين بما اتاه حكم اليوم في مقابلة نادينا مع شبيبة العمران …انا منيش مستغرب … اللي وقع عادي ولو هاكة المالكي ما عملش اللي عملو وقتها انا نستغرب بالحق … انا عندي تعليق واحد فقط ومؤمن بيه ايمان قطعي … راهم ما يحبوش صفاقس ..راهم يكرهونا .. راهو احنا بالنسبة ليهم البقرة الحلوب اللي ياكلو من خيراتها وما يعطيوهاش علفتها ..تي ارجعو لتاريخ صفاقس وفي كل الميادين توة تلقاو نتيجة واحدة فقط احنا كيف لحمة الكرومة متاكلة ومذمومة … وعلى فكرة اذا البعض ماشي يعلق تعليق من نوع يززي من الجهوية متاعك ..نقللو مسبقا ..الجهل وحلة لانك لو قريت تاريخ صفاقس وتعامل كل من حكم دون استثناء مع صفاقس منذ 56 ولحدّ 26 توة تتثقف وتعرف الحقائق وتحشم على روحك ..معقول النادي الصفاقسي يحقق 6 انتصارات ويخليوه يواصل نتائجو الايجابية ؟؟ لا عاد وقتها يولّي اللعب بعشاهم .. ..لكن في الاخير هذوما اللي ما يخافوش ربّي عمرهم لا قراو ولا تحسبنّ الله غافلا عما يعمل الظالمون ولكن يؤجلهم ليوم تشخص فيه الابصار _ والاحداث اكدت انّ هؤلاء شخصت ابصارهم في الدنيا في انتظار شخوص ابصارهم في الاخرة ..يوم لا ينفع ملُُ ولا بنون الا من اتى الله بقلي سليم .._ تسمع فيّ يا ولد المالكي ويا كلّ من وراء ولد المالكي ؟؟ غرّة فيفري 2026