صفاقس : باعة الياسمين من الأطفال يُعرضون حياتهم للخطر

باعة الياسمين الذين ينتصبون في كل اضواء المرور بصفاقس تقريبا واكثرهم من الاطفال او من كبار السنّ وامكانية تعرض البعض منهم الى حوادث مرورية ولعل اخرها ما حصل بساقية الزيت وتوجه فيها مواطن الى ولي الطفل بائع الياسمين بهذا الرجاء :

باالله هكا السيد الي مسيب ولدو يبيع في المشموم في ضو الساقية في الليل نحب نقلو ولدك لحظة لصارت عليه كارثة لولا لطف ربي … ولدك تحصر بين كميون و كرهبة ….انا واقف قدامي 3 كراهب جا كميون على يميني و لسقني خلى حكاية فارغه يجي ولدك يتشعبط في شباك كميون يحب يبيع المشموم وبعد يهبط ويدخل بيني وبين الكميون … والسيد مشافوش قدم ومزال يلصق و ولدك يحب يتعدى بالسيف لين ولا يمشي على جنب … وليت نعيط ونزمر بش راجل وقف … و ولدك هرب يجرى والله كان كمل راهو جابو تحت عجلة بالله اعمل ربي في بالك و هكا طفل صغير مش معقول يتلاوح في الكياس…