صفاقس : صيحة مواطنين من يُنصفنا من ظُلم الصوناد!!!

وصلتنا عديد الشكاوى من الصوناد لتلقى مرة اخرى بظلالها على العلاقة المتردّية بين الصوناد والحرفاء وتخلق وضعا غير طبيعي بين مؤسّسة حكومية هامة جدّا في حياة التونسي وبين البعض من الحرفاء والغريب اننا وبحسب ما نراه فان اغلب المشاكل تافهة سببها عدم تفهم موظفي الصوناد للحرفاء والبطئ الشديد في اسداء الخدمات واحيانا لامبالاة كبيرة بمعاناة المواطن لا بمحال سكناهم ولا في مختلف الادارات التابعة للشركة التونسية لاستغلال وتوزيع المياه بما فيها هذه المشكلة التي يسهل حلها -ومكانها بطريق العين كلم 6- لولا بعض التصرّفات (دائما حسب المتضرّرين ) ونعرض الرسالة بعد تصرّف بسيط :

اخي السوناد يعملوا اللي يحبو عليه دون رقيب و قانون ؟؟؟ الحكاية بدات قبل بعام … 6 عدادات تاع الحومة راكبين في عرصة خايخة رممنا العرص و جاء شخص من السوناد حول المناقل بعد بفترة نلقاوهم جاين يقصو علينا الماء بحجة انا بدلنا بلايص المناقل …كيف منعناهم و قلنالهم راهو لا بدلنا لا شي و راهو جاء شخص منكم و راهو رممنا البلاصة خاطر خايخة كبشوا … عملنا فيديو و صورناهم و دخلت فيها الاذاعة و قالوا باهي ما صار شي و على اساس تسكرت الحكاية … امس قصوا علينا الماء و اليوم كي مشينا نحكيو معاهم المسؤولة اللي غاد عاملة بونتو و تجاوب فينا ” ماكم تصوروا فينا كي جيناكم و توا لازم كل واحد فيكم يخلص 1600 دينار ” و بعد بعثت الأعوان باش ينحيو العدادات
هل يعقل هذا اللي صاير ؟؟؟ هذا موش ظلم و قهر ؟؟؟ ما فماش رقيب ؟؟؟؟ الفيديوات مصورين عندنا و قت جاو المرة الاولى و الثانية و مستعدين نهبطوهم لكن احتراما للاشخاص اللي فيهم باش نتريثوا … و الله نهار اخر قدام ربي لا ينفع لا منصب و لا شماتة
مكان الاقامة : طريق العين كلم 6