صفاقس : عضو بلدي ينبّه من الهرسلة التي يتعرض لها ويهدّد بكشف الملفّات

كتب العضو البلدي زاهر اللوز حول ما يتعرض له من هرسلة وتهديد ونية البعض منعه من دخول قصر البلديّة :

بكل وضوح و أمام الجميع !انا زاهر اللوز عضو مجلس بلدية صفاقس مستعد نقدم استقالتي كان يجيبو ربع ملف فساد يدين شخصي ..و ليوم نحب نقول و نوضح انو انا نتعرض لتهديدات جدية في هالفترة هذه من عديد الأطراف، خلاف الهرسلة و التهديد باش يتم منعي من دخول البلدية. أطراف من المجلس البلدي تحب تصفي حساباتها الضيقة معايا بالوكالة عن طريق إداريين و أعوان … و بكل وضوح قلتها و نعاودها، الي عندو ريح يذري عشرة، الي يحب يعمل حاجة يتفضل، الدار تعرفوها الناس لكل، الي يحب يمنعني من دخول البلدية يتفضل، الي ناوي يعمل حاجة ينورنا، و كل الملفات جاهزة، الأكشاك، الرخص الغير قانونية، الإستخلاص على المقاهي و المطاعم و سرقة الفلوس، سرقة المحروقات، الكونكور الي يتعداو فيه كان بالأكتاف … و ملف النفايات الطبية الي فيه مفاجٱت تستنى في المتورطين.أنا ورايا ناس صادقة، محاميين، عدول منفذة، أبناء الأحياء المهمشة، رجال و نساء صفاقس الأحرار، منظمات وطنية، أحزاب وطنية … الي يحب يعمل حاجة يتفضل. مسؤولين برتبة باندية