عندما يتعاطف الحقوقيون مع شاعر الغلبة …فتحي الجموسي

اليوم في الاذاعات برشة فنانين وحقوقيين متعاطفين مع شاعر الغلبة وكيفاش يتجرأ القضاء على الحكم بسجن شاعر حتى ولو اخطأ وسب الوزيرة واحتقر الحارزات و الخماسة.
اليوم برشة منهم وحتى من رجال القانون المهم عندهم هي صفة المتهم موش ثبوت الجريمة ضده.
اليوم غير حاشمين والا راهم طالبوا بتعدد المجلات والقوانين الجزائية المسلطة على المتهمين بارتكاب نفس الجرائم كل حسب عمله وصفته ،
قوانين مخففة تطبق على الشعراء والفنانين تتراوح اقصى عقوبة فيها في حكم بلوم المتهم بعبارات مثل “خيت عليك” و ” والله لا تحشم يا مشوم”.
و قوانين لينة تطبق على السياسيين ورجال الأعمال والقضاة. و المحامين والحقوقيين لا تتجاوز العقوبة القصوى فيها 50 دينار خطية مع تأجيل التنفيذ حتى ولو كان الجرم القتل العمد.
وقوانين صارمة تطبق على عامة الشعب وبقية المهن والرعاع تتراوح العقوبة فيها بين الاشغال الشاقة والاعدام شنقا مع الاذن بالنفاذ العاجل حتى ولو كانت التهمة مخالفة مرورية بسيطة.