في تدوينة : زياد الهاني يعلن مواصلة محاربته داء السرطان

جاء في تدوينة نشرها الاعلامي زياد الهاني انه يكافح السرطان الذي تمكن من بدنه ونتمنى للزميل العزيز الشفاء العاجل والنجاح في حربه على السرطان كما عهدناه دائما قويا وصلدا :

مازلت توّة كي خرجت من عند الطبيب، وقاعد في قهوة بحذا كلينيك المنار نستنى في بنتي تجي تروّح بيّ.نجاة، وأنا نعشق نجاة، قاعدة تغنّي:”أيظن أني لعبة بيديه؟أنا لا أفكر في الرجوع إليه..اليوم عاد كأن شيئا لم يكنوبراءة الأطفال في عينيهليقول لي: إني رفيقة دربهوبأنني الحب الوحيد لديه”… المشكلة أني لا أفكر في الرجوع إليه، ومانيش فرحان برجعته، بعدما أطلعني الطبيب على نتائج التحليل السرطاني متاعي.ماهو بعد أكثر من عام من حرب ضروس وعلاج كيمياوي وقصف إشعاعي ضد ورم سرطاني تمكّن من بدني وفي بالي تخلصت منه، ظهر السيد كعرار وراسو صحيح وموش حابب يسلّم.الحق في الأول طارتلي وقلت لروحي، تي شبيه ما حبّش يفك!؟وبعدها ضحكت كي تذكرت أنه الخلايا السرطانية هاذم متاعي ومنّي وبنات جسمي، يعني طبيعي باش يكونوا عنيدين وراسهم كاسح كيفي. طبيعي باش يحاربوا مادام فيهم نبض، وما توقفهم كان الموت…