كرة القلوب الصافية … عبد الكريم قطاطة

ما حدث اليوم بين جماهير العكارة وجماهير صفاقس وصفه العديد بانّه حدث رياضي ….انا معهم في انه حدث رياضي ولكن ما هي اسبابه ؟ دعوني في البداية اقل انّ التبجّح بمواقف من نوع _ علينا ان نشجّع ايّ فريق تونسي عندما يلعب في المسابقات الافريقية …هي في واقعنا الكروي كذبة كبرى .. معناها تتصوروا احباء النجم او الافريقي يشجعو الترجّي ؟ او العكس ؟ وحتى لو نظرنا خارج تونس عربيا واوروبيا .. هل جماهير الاهلي والزمالك يتمنون الخير للغريم ؟ وهل جماهير الريال وبرشلونة لهم تلك الروح الرياضية العالية حتى يشجع بعضهم البعض في الشمبيونزليغ …؟ اذن يزينا من الكلّوخ ..وقتاش يكون تشجيع فريق لفريق اخر ؟ وقت تكون القلوب صافية موش ترهدين ونفاق .. لهذا السبب رحّبت جماهير صفاقس بالعكارة ونزلوا ضيوفا على صفاقس معززين مكرّمين والحمد لله النتيجة لم تخيّب آمال الجمهورين .وبصدق وقلب صاف اقول مبروك للعكارة … رغم انّ السي اس اس قد تجده منافسا في الادوار القادمة وطبعا وقتها كل واحد يضرب على درابوه .. اما فقط لبعض المحللين والمعلقين كفاكم شعارات لا وجود لها في ارض الواقع .. بعض الجماهير وهي ليست قليلة لو كان تلقى تبخّّر بفريق معيّن ومستحيل تتمنالو الربح لا وطنيا ولا افريقيا ولا في ايّ تظاهرة ….. ترا قولوا موش صحيح …..4 سبتمبر 2026 …