كلمات من ذهب حول وضعنا الاجتماعي للفنّان القدير حاتم بالرّابح …سامي النيفر

• أعطيك دروسا كي تخرج من زمان بوعنبة وتدخل القرن 21                                                                           – الدرس الأول : النزاهة يا بابا اللي تحكي عليها بلّها واشرب ماءها، النزاهة في وقتنا هذا ولّات بلاهة.                                                                               
•         – الدرس الثاني : الأخلاق اللي تبهبر بيها برّا بيعها في سوق العصر شوف تجيبلكشي حق كسكروت، الأخلاق في وقتنا هذا ولّات jetables.                                       
•     – الدرس الثالث : الضمير يا سيدي اللي تحكي عليه وفى، مات، انتهت مدّة الصلوحية متاعو.. وإذا كان تقول لي كل واحد وضميره، أنا نقول لك كل واحد وكيفاش يدوّر الزّيرو، كل واحد وكيفاش يسلّكها، كل واحد وكيفاش يصنع روحه، كل واحد وكيفاش يخدّم مخّه.. يسلّكها كيف ما جاء : بالكذب والغدرة والتقطيع والتنوفيق والسرقة عيني في عينك… ما يهمّش كيفاش، سلّكها وكهو، سلّكها كيف ما تحبّ..
• لناس الكل تجي معاك، ما تسلّكهاش وتقعد مزمّر حتى حدّ ما يجي معاك، شكون باش يقول والله يعطيه الصحة أخلاقه الفاضلة ما سمحتلوش، الكلهم يقولوا ملّا دغفة وملّا مصتّك، ما عرفش كيفاش يصنع روحه.. وشكون باش يكشفني، الكلنا ولّينا كيف كيف الكلنا لابسين نفس الmasque، الكلنا خارجين من نفس القالب قالب تدوير الزّيرو، تدبير الرّاس، قالب اصنع روحك وما يهمّكش في غيرك حتى حدّ ما عنده مصلحة باش يكشف الآخر على خاطر هكّاكا يكشف روحه.           
•                                                                                                                                                عن مسلسل “يازهرة في خيالي” الحلقة 13 كلام من ذهب قيل منذ 22 سنة يعكس واقعنا الاجتماعي المتردّي وانحدار الأخلاق والقيم والمبادئ.. كلمات مؤلمة لكنها صادقة وواقعية من فنّان لم يأخذ حظّه رحمه الله.. وقبله قال رسول الإسلام : “سَيَأْتِي عَلَى النَّاسِ سَنَوَاتٌ خَدَّاعَاتٌ يُصَدَّقُ فِيهَا الْكَاذِبُ وَيُكَذَّبُ فِيهَا الصَّادِقُ وَيُؤْتَمَنُ فِيهَا الْخَائِنُ وَيُخَوَّنُ فِيهَا الْأَمِينُ وَيَنْطِقُ فِيهَا الرُّوَيْبِضَةُ.. الرَّجُلُ التَّافِهُ يَتَكَلَّمُ فِي أَمْرِ الْعَامَّةِ” (الدّرر السّنّيّة)