ليست حكاية تديّن ولا مكان للصلاة …الموضوع اخطر .. الصادق شعبان

لاهي حكاية تديّن و لا حكاية مكان للصلاة في المدرسة … الحكاية سياسة صافي … طريقة قديمة نعرفوها و قاومناها…
اللي يحبّ يصلّي بالحق يصلّي في دارو … و إلاّ ، عندو سبعة آلاف جامع في البلاد … مرّة و نص قد المدارس …
هذي عملية قذرة تمسّ المدارس …
الحركة رجعت تلعب بولادنا… يمكن تفكّهم من والديهم و تعمل بيهم إلي تحبّ …
يا خي ما ريتوش فيديو الشيخ و طهار البنات ! قال حاشتنا بأولادهم !
يا دولة : رجاءًا … انتباه كامل و حزم كامل …
يا أولياء : فيقوا … راهو غدوة ما قيتش تعرف ولدك و الا بنتك … يخطفوهم و يعملو بهم إلي يحبو …
يا تلامذة انتبهوا … راكم داخلين في بحر غارق …لا دين و لا تقوى … كلّها مصالح و خباثة …
ما نعاودش إلّي صار و ما نلعبش بالصغار…
خليوا السياسة خارج المدارس … يكفي اللّي رجعتوا تلعبوا بالجوامع !
بجاه ربي يا توانسة آقفوا لبلادكم … يزي ملّي رينا … في بالي خرجنا من الوحل!!