مالمطلوب الان بعد حادثة جربة؟؟…عبد الكريم قطاطة

المعروف عن جهاز المخابرات في تونس انّه كان ومايزال من اقوى ما ثمّة في الدّول العربية …لا يخلّيها لا شاردة لا واردة …موش عجب يعرفني شنوة قاعد نخمم وشنوة ماشي نكتب قبل ما نكتب … من هذه الزاوية ومن المؤكّد ودون ايّ شكّ جهاز المخابرات التونسي يعرف كلّ شيء عن ذلك الارهابي ..وانا بالنسبة لي هو ارهابي ارهابي ارهابي ..لانّ ما قام به هو عمل ارهابي وبكلّ المواصفات … اذن من حقّ التونسي ان يعرف الى ايّة شريحة ينتمي هذا الارهابي … دون ركوب على الحدث والصاق التّهم باطلا لايّ كان … هذا الشخص اللاشيء تعرف عنه المخابرات التونسية ابسط الاشياء ..شنوة ياكل ..وقتاش يرقد وقتاش يفيق ..وقتاش اخر عطسة عطسها .. نعم كلّ التفاصيل ..اذن اكيد عندها كلّ المعلومات عليه .. انا تمنّيت انّو ما يتمّش قتلو وانو تقع محاكمتو بشكل علني وتنقل تلك المحاكمة على كلّ القنوات العمومية والخاصة .. وكفي تنغنيغ متاع هاكة الجماعة متاع حقوق الانسان والحرية الشخصية واحترام الاجراءات …هذا مجرم وحش في حقّ بلاده ولو كان بمقدوره لفجّر جربة باكملها …فعن ايّ حقوق انسان تتكلمون ..؟… حقوق الانسان فقط لمن يستحقها ..البقية لا حقوق لهم …ولا عاش في تونس من خانها ..