مهاترات صائم: التونسي والتلقيح لا نحبك لا نصبر عليك

والله لو تحلوا 15468921 كتاب باش تفهمو التونسي لا تفهمو شيئ …التونسي كائن مطلع تطليع …التونسي يسب في الناس الي شادة الصف على الزلابية وهو في وسطهم شادد الصف وهكذا دواليك

طلعة العام هذا الصعيب غريبة تدور في الفايسبوك تلقى 99.99 بالمائة من التوانسة يسبوا في الحاكم الىى ما جابش التلقيح …وكيف تحكي معاه يقلك مستحيل نلقح …التلقيح يغير الجينات ويقتل ..مالا بجاه ربي المليار الي لقحوا قصدوا ربي وجيناتهم في خبر كان ؟ مالا علاش تسب في جد والدين الحاكم يا سيدي ما تلقحش دبر راسك اما ما غير تنبير واصلا التونسي شعارو لا نحبك لا نصبر عليك