مهاترات صائم : انا هترت كيف كبرت وكثرت علي التنهيدة
1 ماي 2022، 18:00
ليوم نودعو رمضان ونودعو المهاترات ..ما حصل في رمضان هذه السنة خلاني بالحق نهتر ويظهرلي كبرت وكثرت تنهيدتي كيف تقول الاغنية القديمة …في رمضان هذا شفنا كل شيء ….حكومة موازية …مزلز يحبوا يبعثوا فيه الروح …اصنام خرجت من التابوت وعملت جبهة انقاذ…المناني ب140 دينار والقرنيط الشايح ب 250 دينار …ملاعبية تضرب وتكسر وتعتدي وجامعتها تطلب اعادة المقابلة …هدف مسبوق بخطأ الفار التونسي طلع منزوس وما شافش الخطا …اش تحب نزيدكم ؟ الغلاء والزيادة في الاسعار وتكاثر الزبلة في صفاقس ؟ هذي يا سيدي اشياء نحشم باش نحكي عليها ونحشم باش نقول عندنا حكومة والا دولة …البعلي خدام في هالبلاد …موش قلتلكم راني كبرت وهترت ؟؟
اي بر صحة شريبتكم وكل عام وانتم بالف خير
حافظ
مواضيع ذات صلة
