مهاترات صائم : حجر صحّي موجّه لعودة الكورونا

تعرفوا الي احنا شعب نضحكوا بسرعة ونبكيو بسرعة ونفرحوا لربع كلمة ونقلبوا الدنيا على كل كلمة صغيرة …موش غريب تلقى زوز توانسة يتضاربوا والسبب كعبة زلابية والا ربطة معدنوس …العشرة ايام الاولى من رمضان سلكناها واليوم جاء الحجر الصحّي الموجه …نعرفوا الدولة وجهتوا باش نخففوا العبئ على المواطن ونعودوا لحياتنا العادية لكن ظاهرلي التوانسة فهموا بالغالط واعتبروه اعلان حرية مطلقة لا كمامات لا تباعد جسدي ولا والو ..ربي يسترنا لا نرجعوا نادمين وفي الاول والاخير احنا السبب موش الكورونا