مهاترات صائم : سلكتها من اطلانطيس عبير… واش عملنا في الناس اللي دايرة بينا

حبيت نطمنكم بنت الناس فهمت واقتنعت الي هومجرّد كابوس وتعدّى وكليت في ضلوعي كلمات باهية لكن سلّكتها..

عاد قلت نعمل دورة في النهيّر الاول متاع رمضان حاجة وحويجة ناخذ كعيبتين زلابية وكعيبة مخارق ونشوف نلقاشي شوية ريقوتا باهية الله غالب حشيشة رمضان… روحت للبلاد وتصدمت… كل حانوت وكل نصبة وكل خضار وكل جزار قدامهم صفوف طويلة… حليلي موش الناس تتشكى من الفلس وقلة ذات اليد ؟ تي انا قلت ماشي نلقاهم الكبي داير بيهم والدورة الاقتصادية كاسدة…. مالا توانسة ومالا هوما… العالم حار فيهم… المهم شدّيت الصف سويعة غير ربع على كعبتين زلابية… ورجعت فرحا مسرورا لكن لهاللحظة ما نعرفش تاليفوني كيفاش غبر.

اي بر شاهية طيبة

حافظ