مهاترات صائم: شكون يحكم ؟

في هالبلاد الاحوال تقلبت وتشقلبت …النظيف توسّخ والمسخ نظاف بقدرة قادر وولّى من اعيان البلاد ويمشي بكتافو …الي يخدم نظيف ويخاف ربي ويعطي حقوق العباد يمشي في العفص مسكين والي يتلون كيف ام البويا الناس الكل تقدسلوا وتحني ظهرها وكرومتها كيف يتعدى وبعضهم يتفرشلوا باش يعفص عليه وهو فرحان …كل شيئ تغيّر ووالله لا ثمة شكون يحكم ولا واحد يعرف شكون يحكم …كل قطاع عندو قطاع الطريق متاعو وبانديتو ومسكين الي يجي في طريقهم …زعمة وقتاش تتصلح امورنا ؟ ونحبوا بعضنا وننظافو؟؟ زعمة ؟؟

حافظ