مهاترات صائم :عادي الصفاقسي يشق فطرو وسط الزبلة ..المهم يكون سيدنا المسؤول شايخ

يا جماعة الخير والله نشق فطري وجبل الزبلة يبعد علي 7 او 8 امتار فقط ..اي سيدي ريحة الماكلة نسيتها وغلبت عليها ريحة الوسخ والجيفة والهوا ما نشموهش وكان نحلوا شباك نباصيو وتزحف علينا الحشرات …شفتوا النعيم الي فيه اغلب الصفاقسية ؟ لكن سي منير اللومي وسيدنا الوالي بالنيابة واسيادنا كبارات ومسؤولي البلاد امورهم فسفس وفي النقنوقي متنعمين والزبلة يسمعوا بيها سمعان ويشوفوها من بلار البيومة الي عمروا ما تحل ولا دخلت الروائح للسيارة … احنا نستاهلوا كل ما يصير فينا …

ياسيدي نعرفكم ما تحبونيش لكن الله غالب الغلب خلاني نهتري …لكن نعيش على الامل نرتاحوا من ياسر فقاقيع نتنة ونرتاحوا من الزبلة رغم الامر اليوم شبه مستحيل

اي سامحوني وصحة شريبتكم

حافظ