مهاترات صائم في الحجر الصحّي : قدّاش من فاسد صائم

اليوم اول نهار في رمضان وصبحنا صايمين وفي الحجر الصحّي وهي اول تجربة للتوانسة الكل …الناس الكل صايمين الا شكون عندو سبب شرعي او صحي …او الي ما يهمو من رمضان كان الجو والسهرية والشيشة وماشي يتحرم منهم السنا …حبيت نعرف بالمناسبة الناس الي تشدو هانهارين في الحبس بسبب الفساد الي كانوا عايشين فيه ياخي صيامهم مقبول وهوما ينهشوا في لحم خوانهم التوانسة ويعديو بدم الزوالي ويكدسو في المليارات في حسابات في تونس واكثرها في الخارج …صيامهم الي صاموه مقبول والا راحت عليهم ؟ …المهم ما تنساوش الى يسرق في الميزان في بوشويشة ويغش في سوق الحوت والي يستنى باش يعمل نطرة والي يتكيف قدام الناس الكل في اسواق البلاد العربي راكم كيفكم كيف الجماعة الي تشدّوا …كلكم فاسدين

حافظ