مهاترات صائم : مخّي حْبس ..ثمة في تونس شكون يحب تصير الكارثة ؟

والله مانيش مصدّق ثمة عباد يتمناو من كل قلبهم تصير الكارثة ويتم تسرب القازوال من الباخرة الغارقة على بعد كيلومترات من قابس العزيزة ….والله تصدمت على الكره الي في قلوب البعض لمجرّد انهم ضد فلان او فلتان …يا سيدي نزيدكم …ثمة شكون يتمنى خسارة المنتخب الوطني لكرة القدم وصرح بذلك تصريحا ..

للكل نقوللكم وانا صائم والله تونس لا تغرقها ولا تتلوثها اكثر مالي تلوثت بوجودكم …تونس ليها رجالها ونساها يحميوها ….وفي الاخر نقول كان ربي يهديكم وينور بصيرتكم ويبعد عليكم الكراهية والبغضاء ويلزمنا كلنا نرجعوا لربي ونتوبو

شاهية طيبة

حافظ