مهاترات صائم : مفاتح فيروس كورونا في يد وديع الجرئ

والله حبيت نقنع روحي ونقنعكم معايا الي قرار او اقتراح جامعة الجريئ صحيح ونابع من علم وفكر نيّر ودراسة عميقة لكن ظاهرلي اقتراح مرمضن والحكاية الكل هات نعملو قرار ما يغضبش الترجي والافريقي والملعب التونسي وحمام الانف وبنزرت والبقية فيروس كورونا يرعبهم ويوافقوا

اي هاسي الجريء بداتك صفاقس وقالتلك العب غيرها ..ماناش مستكين وفيروس كورونا ما يدةرش في صفاقس اكهو وكان حبيتوا صفاقس اقل بقعة فيها الكورونا وفي تونس بؤر تخوف …شنوة المقياس الي اعتمدوا عليه

اي ياهي نجم المتلوي انتفضت وبعدها تو يجيو النجم وتطاوين والشابة …ها جريء وخي جيتك بجاه ربي فهمني راني ضبعت ودخت والله يلعن الكورة الى يوم ينتهي فيروس كورونا

حافظ