مهاترات صائم : 2 فيروسات كورونا يتعاركو على دلاّعة

عشت وشفتها اخيرا …تصدقوني والا على كيفكم اليوم شفت 2 فيروسات كورونا كلهم صوابع امسخين ..نعم شفتهم راي العين وبدون الات مجهريّة وزيد وصدقوني سمعتهم يتعاركو فوق كعبة دلّاع …وحدة وهي ازين شوية من اختها شادة صحيح الى السيد الى خلاها فوق البطيخة ما هزش البطيخة ولكن هز بطيخة اخرى والفيروس الاخرى تصيح وتعيط وتقول الى اكثر من واحد خلاها على الدلاع وهو يهز وحدة يقربها لوذنو وينزل عليها وبعد ما تعجبوش يرجعها وفوقها فيروس ويهز وحدة اخرى اي سيدي كميونة دلاع ولات جمهورية فيروس بعضهم مات من قوة الشمس والبعض الاخر تهز في الايدين الى حكت ودجها وتعدات للانف والحلق وجميعة وتفرّخ …شفتوا كعيبة دلاع من كميونة في الشمس قدام جامع اش تقدر تعمل ؟؟

حافظ