نادي الصورة بتونس بدعم من الاتحاد الأوروبي يفتح المشاركة بصور للتغيرات المناخية

ما بقى كان أيّامات باش تبعث ملف المشاركة في معرض “صوّر بالأخضر” (آخر أجل: نهار 10 أوت مع نص الليل).
ما تفوّتش الفرصة باش تكون مع المصوّرين والمصوّرات اللي شاركونا عملهم ورؤيتهم على التغيّرات المناخية، وتجي تحضر الدورة العاشرة من الملتقى الدولي للتصوير الفوتوغرافي بغار الملح، اللي استنّيناه برشا، واللي باش يصير أخيرًا من 8 لـ11 سبتمبر 2025 في برج لازاريت.
الترشّح مفتوح للناس الكل: محترفين ومحترفات، و حتى الناس اللي عندهم شغف كبير بالتصوير الفوتوغرافي.
الملتقى هذا هو فضاء حرّ، فيه ناس مبدعة، صوتها عالي، وتحب تعبّر على قضايا نبيلة وتشارك حبّها للتصوير.
التحق بعائلة مبدعة، مناضلة، وسخيّة بأفكارها.
تلقاو دليل المشاركة في الرابط هذا:
https://www.eeas.europa.eu/SawerBelAkhdhar_fr
المعرض هذا من تنظيم جمعية نادي الصورة بتونس، بدعم من بعثة الاتحاد الأوروبي في تونس 🇪🇺، فريق أوروبا، وعدّة مشاريع تعاون.