ناري على بلادي:…فتحي الجمّوسي
7 ماي، 21:55
رئيس حكومة لا يفرق بين الحجر الشامل والحجر المشدد، دخل البلاد في حيط وخلى الناس تروح من مقر عملها لمقر سكناها من مدينة إلى مدينة وخلى الأعراف والمسؤولين يعلموا موظفبهم أنهم موش باش يخدموا طيلة فترة الحجر وان التعليم والمحاكم و كل الادارات مغلقة.رئيس حكومة ما يعرفش ان الحجر الشامل يشمل كل المهن والقطاعات عدى الحيوية والصحية وما يعرفش ان حضر الجولان في الحجر الشامل يكون مطلق على مدى 24 ساعة ويكون الحضر ترابي عام موش كان بين المدن وان الخروج ممنوع من المنزل الا من اجل التزود بالغذاء من أقرب مكان.ومن بعد تخرج الناطقة الرسمية باسم الحكومة باش تأكد ان المقصود من الحجر هو الحجر المشدد وانو ما يشمل كان القطاعات ذات الصبغة التجارية.باهي توة كيف دخلت بعضها ما بقى لرئيس الحكومة كان حلين اثنين، إما يكذب روحو واما يكذب الناطقة الرسمية بإسمو.