![نعقّدو فيها وهي ساهلة ماهلة … عبد الكريم قطاطة](https://journalistesfaxien.tn/wp-content/uploads/2022/09/قطاطة.jpg)
نعقّدو فيها وهي ساهلة ماهلة … عبد الكريم قطاطة
في قضيّة الحكم الموريتاني وما بين ماجاء في ورقة التحكيم وما قالت الرابطة انه وصلها تقرير تكميلي ينفي فيه ولد بوه واحيانا ولد بوح ما كتبه بالفرنسية القحّة حول الداودي اللي شلبقو بيه ولد مرياح ..ثمّ وبعد تدخّل الحكم في اذاعة اي اف ام الذي نفى فيه انّه ارسل تقريرا تكميليا وانه متمسك بما كتبه في ورقة المقابلة وشلبقته بالشلبوق من طرف ولد مرياح بعدها صدر عن الرابطة تكذيب لادعاءات ولد بوه في اذاعة اي اف ام مقدّمة نسخة من التقرير التكميلي الذي ارسله ولد بوه الى ادارة التحكيم …
وبعد ما سالت الاقلام وبحّت الاصوات واصفرّت وجوه وازرقّت وجوه …المنطق شنوة يقول ؟؟ امّا انّو الحكم يكذب وبعث تقرير تكميلي او انّ الرابطة قامت بكتابة تقرير وهمي وامضت مكانه …اكهو ماثماش حتى تفسير اخر في الملف التنيزو موريطاني … وفي كلتا الحالتين هنالك امّا كذب او تدليس … اذن نرفعو القضية للتاس وهي تتولّى التحقيق في كلّ ماحدث لاعطاء كلّ ذي حقّ حقّه ….
نعم التاس لانو الجمهور الرياضي ما عادش عندو ثيقة في قضاء لا الرابطة ولا الجامعة خاصة بعد ما هرهر كثيرا من المتضلعين في الشؤون القانونية منهم وادّعوا علومهم وعنطزتهم التي لا يشقّ لها غبار في قضيّتي الشابة وطلع طولهم غبار وكلاو فيهما كبوط ….وتوة في الطريق التاسي قضية السي اس اس واللي يبدو انو اثارة بن قردان فاها وعلاها كيف ما يقول ولد الجزيري … معناها نعقّدو فيها وهي ساااااااااهلة ..مااااااااااهلة …التاس … التاس … التاس … خاصة للجماعة اللي مخّهم فيه طاس حاشا الناس الملاح طبعا