هل ستلقى صفقة كراسي ملعب الطيب المهيري نفس مصير مصاعد المستشفى الجامعي؟

كتب النائب شكري البحري في صفحته الرسميّة :

صفقة_الكراسي متاع الطيب المهيري صارلها و باش يصيرلها كيما صفقة الاسنسورات متاع سبيطار الحبيب بورقيبة اللي سنين و هي من طلب عروض لطلب عروض ولتو ما حنش ربي .. لتو شي ما ثمة … و كي تتكلم يقولولك هذاكا القانون وهذيكا هي الإجراءات علاش الاجراءات هاذي ما نلقوهاش كي تجينا شركات اجنبية تخدم في تونس بالشراكة مع مؤسسات وطنية؟؟ … يا ناس ..يا ادارة… راهي ثمة استثناءات وثمة امور عاجلة ما تستناش .. القانون تجعل باش يخدم الناس ويسهل الاجراءات و يأطرها موش باش يعقدها …. نرجو التعامل مع المشاريع ذات الاولوية و البرامج العاجلة بنوع خاص من الاجراءات …يزي من التعطيل..يزي من البيرقراطية ….لا بد من إعادة النظر في مثل هالاجراءات اللي كرهت الناس في ارواحها و خلات الناس تفد وتمل وتيأس…… الدعوة موجهة الى رئاسة الحكومة ووزارة الشباب والرياضة وولاية صفاقس و بلدية صفاقس الى إعتماد إجراءات خاصة و تقييم استثنائي للصفقات وللمواصفات من اجل صفاقس المحرومة حتى من الفرجة على جمعيتها في ستادها .؟ و المرة الجاية نحكيلكم على مشروع تبرورة الشبح ومشروع المدينة الرياضية الوهمي و مشروع المترو و مشروع المسلخ الجهوي و القرية الايكولوجية النموذجية ..أما بالنسبة للاسنسورات متاع السبيطار نبشركم انو باش تتحل الحكاية الايامات هاذي وانشاء الله ما يعطلوهاش اولاد بسم الله

#يزي #صفقة_الكراسي #صفاقس_لازمها_ستاد