وينهم عادات زمان في صفاقس …محمد الحبيب السلامي

السلام عليكم في صيامكم
فيم أفكر؟
،،،،،آشكون مايتفكرش حلويات العيد؟،بكري ،في العشر الأواخر من رمضان تبدا حركة في بيوت العائلات كبيرة
آش ثم ؟ مولاة البيت وبنياتها إذا عندها بنيات بالليل والنهار يصنعو في حلو العيد ،والشاطرة تعمل بقلاوة ،وكعك اللوز ،وكعك السمن ،وغريبة الحمص ،وبقلاوة بنت الباي ،وهذي الأخيرة تطبخها وتصنعها في الدار والحلويات الأخرى يديوها لولاد لكواش الحومة ،وكواش الحومة يقبل ويطيب ويخدم ليل ونهار ،،صواني الحلو عشرات وربي يستر لا يحرق وحدة يلزمو يدفع الغرامة ،،،،تحضر صينية البقلاوة وهي سخونه يسقيوها بالعسل ،والشاطرة تقص صينية البقلاوة وإذا ما تقدرش زوجها يمد يدو والحلو مكلو يتخبى في حكك الشامية للعيد ،،،،،،هذا وينو؟ مازال في الديار؟ الصواني تخبات ،والكواشة ارتاحو ،والحلو صاروا يشريوه من الديار اللي تصنع وبكيلو حلو مخلط يتعدى العيد ،علاش؟ مولاة البيت إما ماتعرفش أوما عندهاش وقت ،وباكو الحلو من السوق ولى يدخل للدار في العام مكلو ،،،موش هكة؟،،،،حليو حديثنا بتعاليقكم