يا مشيشي ما تمشيشي قبل ما تفهّمني  …عبد الكريم قطاطة

يا مشيشي ما تمشيشي قبل ما تفهّمني …عبد الكريم قطاطة

21 جويلية، 18:00

…وقت سمعت المشيشي يفسّر اسباب اقالتو لوزير الصحة _ يلزم ناقف على السبب الرئيسي والمتمثّل في ما وقع امس في عملية التلقيح المفتوحة والاكتظاظ الرهيب اللي وقع في عديد المدن … هات نرجعو للي صار …وزير الصحة اعلن عن القيام بعملية تلقيح مفتوحة يومي العيد الاول والثاني …وطبعا هبطت عريبة جدّك من كلّ حدب وصوب وصار اللي صار … نعم تنظيميا العملية كانت عرجاء .. لكن السؤال الاهمّ هل يُعقل انو رئيس الحكومة ووزير الداخلية لا علم له بالقرار قبل يوم العيد …؟؟؟ قطعا لا والدليل انو المشيشي قال الولاة فاجأهم القرار والامن كذلك …ومن هو المسؤول الاول اداريا عن الولّاة وعن اجهزة الامن ؟ موش انت يا سي المشيشي ؟ توة تتصوروا واحد منّا يكحّ كحّة وهو راقد والامن ما يفيقش بيه وما يعلمش عليه المسؤولين الكبار ؟ او والي في ايّ ولاية يتفاجأ بقرار من وزير الصحة وما يعلمش عرفو اللي هو وزير الداخلية واللي هو انت يالمشيشي ؟ الاستنتاج المنطقي لكلّ ما حدث انّك على علم بكلّ شيء واستنيتو في الدورة وقلت بينك وبين روحك دعها تقع … مرّة اخرى انت وحزامك السياسي وشلايكو والشورت اللي عمت بيه في الويكاند في افخم النزل وشعبك يموت دليل اخر على انكم موش فاشلين فقط بل اعداء لشعبكم … ولابدّ للّيل ان ينجلي ولابدّ للقيد ان ينكسر …

مواضيع ذات صلة

شركائنا