أستاذة انجليزية تكتب : الوزارة حطتنا في احراج مع تلامذتنا في الباكلوريا

“اليوم بصفتي استاذة انقليزية و نقري مستوى السنة الرابعة منذ 20 عاما و اعتبر اني بكل تواضع عندي خبرة محترمة مع هذا المستوى، نحب نعبر على استيائي الشديد مما حصل في فرض الاتقليزية للشعب العلمية.. احنا ديما نوصيو تلامذتنا – و هذا بناء على توصيات المتفقدين- اننا في فرض الانقليزية مانخدموش nuancé بمعني ما نحكيوش على الايجابيات و السلبيات بل نحكيو على حاجة برك و هذا لاخر لحظة نأكدولهم عليه.. اليوم نتفاجؤوا انه الموضوع طلب منهم ينصحو اصحاب الشركات بخصوص العمل عن بعد و يذكرولهم ثلاث فوائد و ثلاث تحديات.. يعني 3 ايجابيات و 3 سلبيات اللي هو عكس المتفق عليه! و حاجة اخرى الموضوع هذا ( العمل عن بعد: فوائده و سلبياته) لم يطرح بتاتا في البرنامج لا تلميحا و لا تصريحا و القاعدة تقول
we test what we teach, but we have never taught that issue neither in the 4th form nor in the previous levels!
و حاجة ثالثة طالبين من تلميذ باكالوريا عمره ماتجاوزش 18 سنة باش ينصح الشركات بفائدة العمل عن بعد او سلبياته عليهم !!
حاصيلو امتحان اليوم لو اعطاه استاذ لتلامذته راهو هبط عليه المتفقد و قالو انه فرض يتنافى مع التوصيات البيداغوجية!
و الضحية شكون؟؟ تلامذة عاملة امل كبير على فرض الانقليزية..
الوزارة اليوم حطتنا في احراج مع تلامذتنا و خلاتهم يفقدو الثقة فينا و في توصياتنا و ملاحظة اخيرة فكرة الموضوع “مسروقة” من فرض ielts جا قبل… 😉
و نختم باني نتسائل اللي يقررو في الفروض زعمة اساتذة تقري و محتكين بالتلامذة و متمكنين من البرامج؟ “