أولادك يا زعرة …وليد الوقيني
اولادك يا زعرة ما كاتبلهم في هالبلاد كان يموتوا شهداء و الا اعيشوا بطالة اولادك يا زعرة معندهمش خبرة اذاكه اعلاه يلزمهم اعيشوا في القهاوي و على باب المعتمد و الوالي شادين الصف منظمين ساكتين رايضين يلزم يتفرجوا في بلادهم مالبره يعني جثة في حالة حياة و يلزم اقولو محلاها العيشة ميلزمش اولادك يحلموا باش اسيّروا بلادهم خاطر المسؤولين يتولدو مسؤولين في ديار المسؤولين في نهج المسؤولين في حي المسؤولين اولادك يا زعرة ما يعرفوش يلبسوا ما يعرفوش يحكيو كيفاه ميحكيوش كيفهم ؟؟؟ميلبسوش كيفهم ؟؟؟؟ خاطر المسؤولية حسب و نسب في بلاد العرب اولادك يا زعرة باهي كي اعطاوهم مضمون و بطاقة تعريف و خيط الضو متاع الحاكم و حتى الماء مزال ماجاش اولادك يا زعرة ميجيوش ولاة و وزراء و مستشارين في الدولة يلزم تبقى لبلاد زوز بلدان و زوز عوالم فيهم اولاد زعرة و اولاد السة هانم .
مواضيع ذات صلة
