اقتراح متاع واحد مهبول … عبد الكريم قطاطة

اي نعم نعرف انو اقتراحي متاع واحد مهبول … اما وين المشكلة ؟ اليس في بعض الجنون منطق ؟ اش قولكم لو رئيس الجمهوية يفعّل المرسوم 80 ويوقّف نشاط الكورة لمدّة سنة ؟ توة الكورة في تونس موش ملفّ فساد خطير جدا ؟ ..توة موش ماشيين نحو التقاتل نتيجة للظلم والفساد المنتشر ؟ وبنفس الهبال نواصل القول طززززززززز في الفيفا وفي كأس افريقيا وفي بطولة العالم امام المصلحة العليا للوطن ..ولو نفسخو كلّ شيء ونبداو من صفر .. البناء الكروي في تونس يلزمو هدم واعادة بناء ولو بتدخّل الجيش ..لا ينفع الترميم فيما افسده القائمون على شؤون الكورة وفي رواية اخرى لا ينفع التذهيب فيما افسده الصدأ ..انا اعترفت بهبالي وانتم يا اهل العقول افيدوني بما يخالف موقفي …